Laugardaginn 6 maí n.k. verður opið hús frá 13:30-17:00 í Hússtjórnarskólanum í Reykjavík,
Sólvallagötu 12. Sýning á vinnu nemenda, kaffi og kökusala. Allir velkomnir,
hvetjum eldri nemendur til að koma, hitta vini og kunninga og rifja upp gamla tíma.
Það er mjög gaman að koma í Hússtjórnarskólann, ganga þar um stofur, skoða eldhúsið,
vefstofuna, saumastofuna, handverk nemenda og annað sem er í þessu fallega húsi.
Setjast síðan niður í betri stofuna og fá sér pönnukökur með rjóma eða tertusneið og njóta augnabliksins.
Skólinn tók til starfa 7. febrúar 1942, í einu af fallegustu húsum Reykjavíkur. Skólinn hefur verið starfræktur þar síðan.
Aðsókn er mikil að skólanum og oftast komast færri að en vilja. Hægt er að búa í heimavist í skólanum á meðan á námi stendur.
Hér eru nokkrar myndir frá opnu húsi. Fjöldi gesta mætti til að njóta veitinga og skoða fallega vinnu nemenda.
