Harðangur og klaustur – tvö námskeið í boði
Kennari: Katrín Jóhannesdóttir, textílkennari við Hússtjórnarskólann.
Hvenær: Sunnudaginn 17. mars kl. 11-15 EÐA fimmtudaginn 21. mars kl. 17-21. Hvort námskeið er alls 4 klukkustundir.
Staðsetning: Hússtjórnarskólinn í Reykjavík, Sólvallagata 12, 101 Reykjavík.
Fyrir hverja: Allir velkomnir, bæði byrjendur og lengra komnir.
Taka með: Allt efni er innifalið og áhöld til staðar en gott er að hafa storkaskæri meðferðis og jafnvel stækkunarlampa og/eða gleraugu fyrir þá sem notast við slíkt.
Á námskeiðinu læra nemendur grunnatriði í harðangurssaumi með því að sauma nálapúða. Flatsaumsstólpar, varningar, dúfnaaugu og skáspor eru tekin fyrir en einnig verður farið vel í hvernig klippa skal göt í harðangurinn.
Námskeiðið verður haldið í saumastofu Hússtjórnarskólans og boðið verður upp á léttar kaffiveitingar milli þess sem sporin verða tekin. Njótum saumaskapsins saman í þessu sögufræga húsi og upplifum anda Hússtjórnarskólans saman.
Verð: 14.500 kr.